திருச்சி அண்ணா விளையாட்டு மைதானத்தில் தேசிய மாணவர் தினத்தை முன்னிட்டு நேற்று 6 வயது முதல் 16 வயது உட்பட்டவர்க்கான தடைகள போட்டி நடைபெற்றது. இதில் 50, 100, 300, 400, 800 மீட்டர் ஓட்ட பந்தயம், தடை தாண்டி ஓடுதல், நீளம் தாண்டுதல், உயரம் தாண்டுதல், குண்டு எரிதல் போன்ற பல்வேறு பிரிவுகளில் போட்டி நடைபெற்றது. மேலும் மாணவிகளுக்கான கைப்பந்து போட்டி, ஆண்களுக்கான கால்பந்து, கபடி போட்டிகள் நடைபெற்றது.
இந்த போட்டியினை திருச்சியில் தமிழ்நாடு சிறப்பு காவல் படை முதலாம் அணி கமாண்டன்ட் ஆனந்த் தொடங்கி வைத்தார். அதன் பிறகு வெற்றி பெற்றவர்கள் சான்றிதழ் வழங்கி பாராட்டினார். இந்த போட்டியில் கலந்து கொள்ள திருச்சி, புதுக்கோட்டை, அரியலூர், பெரம்பலூர் உள்ளிட்ட மாவட்டங்களில் இருந்து தனியார் மற்றும் அரசு உயர்நிலைப்பள்ளி, மேல்நிலைப்பள்ளியை சேர்ந்த 2000 க்கும் மேற்பட்ட மாணவ-மாணவிகள் கலந்து கொண்டனர். மேலும் இந்த போட்டிக்கான ஏற்பாடுகளை முன்னாள் சர்வதேச விளையாட்டு வீரர் நல்லுசாமி அண்ணாவி செய்திருந்தார்.