திருச்செந்தூர் ஆதித்தனார் கல்லூரியில் நடைபெற்ற வேலைவாய்ப்பு முகாமில் 30 மாணவர்கள் தேர்வானார்கள்.
தூத்துக்குடி மாவட்டம், திருச்செந்தூர் ஆதித்தனார் கல்லூரியில் அகதர மதிப்பீட்டு குழு மற்றும் வேலைவாய்ப்பு மையம் சார்பாக வேலை வாய்ப்பு முகாம் நடைபெற்றது. இந்த முகாமில் திருவனந்தபுரத்தில் உள்ள ராமச்சந்திரா குரூப் ஆப் கம்பெனி யில் பணிபுரிய தேர்வு நடத்தப்பட்டு அதில் வெற்றி பெற்ற மாணவர்களுக்கு வேலை வாய்ப்பு வழங்கப்பட்டுள்ளது. அதில் வணிகவியல் துறை, பொருளாதார துறை, வணிக வேளாண்மை துறையை சேர்ந்த நூற்றுக்கும் அதிகமான மாணவர்கள் கலந்து கொண்டார்கள்.
ராமச்சந்திரா குரூப் ஆப் கம்பெனியின் மனிதவளத் துறை தலைவர் புனிதா என்பவர் மூலம் தேர்வு நடத்தப்பட்டது. இந்த தேர்வில் பங்கேற்ற மாணவர்களின் 30 பேர் வேலைக்கு தேர்வு செய்யப்பட்டுள்ளார்கள். மேலும் தேர்வுசெய்யப்பட்ட மாணவர்களுக்கு கல்லூரி முதல்வர் தூ.சி மகேந்திரன் பணி நியமன ஆணைகளை வழங்கி உள்ளார். கல்லூரி செயலாளர் ச.ஜெயக்குமார், அகதர மதிப்பீட்டு குழு தலைவர் அந்தோணி சகாயசித்ரா, வேலைவாய்ப்பு மைய ஒருங்கிணைப்பாளர் சேகர் ஆகியோர் வேலைவாய்ப்பு பெற்ற மாணவர்களை பாராட்டி வாழ்த்தினர்.