காணாமல் போன காலணிகளை சிசிடிவி கேமரா காட்சிகளை வைத்து காவல்துறையினர் தேடி வருகின்றனர்.
சென்னை மாவட்டத்திலுள்ள பெரியமேடு என்ற பகுதியில் முகமது அப்தாப் என்பவர் காலணி விற்பனை செய்யும் கடை ஒன்று நடத்தி வருகிறார். இந்நிலையில் இவரது கடையில் இருந்த ரூ.25 லட்சம் மதிப்புள்ள காலணிகள் கொஞ்சம் கொஞ்சமாக திருட்டு போய் இருப்பதை அவர் கவனித்துள்ளார். இதனைத் தொடர்ந்து அந்த கடையில் வேலை செய்யும் பணியாளர்களே இந்த திருட்டில் ஈடுபட்டது தெரியவந்துள்ளது.
மேலும் இது தொடர்பாக முகமது அப்தாப் அந்த கடையில் வேலை செய்யும் பணியாளர்கள் 4 பேர் மீது காவல் நிலையத்தில் புகார் அளித்துள்ளார். அந்த புகாரின் பேரில் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர். இதனையடுத்து சிசிடிவி கேமரா காட்சிகளையும் காவல்துறையினர் ஆய்வு செய்து வருகின்றனர்.