பெண்ணிடமிருந்து தங்க சங்கிலியை பறித்த 2 வாலிபர்கள் காவல்துறையினர் கைது செய்துள்ளனர்.
திண்டுக்கல் மாவட்டத்தில் உள்ள எழில் நகரில் கஸ்தூரி என்பவர் வசித்து வருகிறார். இவர் அப்பகுதியில் நடைபெற்ற திருமண நிகழ்ச்சியில் கலந்து கொள்வதற்காக நடந்து சென்றுள்ளார். இந்நிலையில் கஸ்தூரியை மோட்டார் சைக்கிளில் பின்தொடர்ந்து சென்ற 2 மர்ம நபர்கள் அவரது கழுத்தில் அணிந்திருந்த 2 பவுன் தங்க சங்கிலியை பறித்து விட்டு அங்கிருந்து தப்பி சென்றனர். இதுகுறித்து கஸ்தூரி காவல்நிலையத்தில் புகார் அளித்துள்ளார்.
அந்த புகாரின் பேரில் வழக்குப்பதிவு செய்த காவல்துறையினர் நடத்திய விசாரணையில் மருதாணிகுளம் பகுதியில் வசிக்கும் குமார் மற்றும் தினேஷ்ஆகிய 2 பேரும் இணைந்து பெண்ணிடமிருந்து தங்க சங்கிலியை பறித்து சென்றது தெரியவந்துள்ளது. இதனையடுத்து குமார் மற்றும் தினேஷ் ஆகிய இருவரையும் காவல்துறையினர் கைது செய்துள்ளனர்.