திருவண்ணாமலை மாவட்டத்திலுள்ள அண்ணாமலையார் திருக்கோவிலில் கார்த்திகை மாத தீபத் திருவிழா வருகின்ற டிசம்பர் 6ஆம் தேதி நடைபெற உள்ளது. இந்த திருவிழாவை காண அண்ணாமலையார் கோவிலுக்கு தமிழக ஆளுநர் ஆர். என்.ரவி வருகை தருகிறார். இதனால் பல சிறப்பு ஏற்பாடுகள் செய்யப்பட்டு வருகின்றன. அதே சமயம் திருவண்ணாமலைக்கு இந்த வருடம் 30 லட்சத்திற்கும் மேற்பட்ட பக்தர்கள் வருவார்கள் என்பதால் தமிழக போக்குவரத்து கழகம் சார்பாக 2,700 சிறப்பு பேருந்துகள் இயக்கப்பட உள்ளது.
இதனைத் தற்போது தெற்கு ரயில்வே சார்பாக டிசம்பர் 5ஆம் தேதி முதல் எட்டாம் தேதி வரை திருவண்ணாமலைக்கு 24 சிறப்பு ரயில்கள் இயக்கப்பட உள்ளதாகவும் அறிவிக்கப்பட்டுள்ளது. டிசம்பர் ஆறு மற்றும் ஏழு ஆகிய தேதிகளில் மயிலாடுதுறை, திருவண்ணாமலை வரை நான்கு சிறப்பு ரயில்களும், டிசம்பர் 6 மற்றும் 7 ஆகிய தேதிகளில் திருச்சி, வேலூர், விழுப்புரம் ஆகிய மாவட்டங்களுக்கு நான்கு சிறப்பு ரயில்கள் என மொத்தம் 24 சிறப்பு ரயில்கள் உட்பட 63 ரயில்கள் இயக்கப்படும் என தெற்கு ரயில்வே அறிவித்துள்ளது.