மதுரை, பழங்காநத்தம் வடக்குத்தெருவில் எம்எல்ஏ தொகுதி மேம்பாட்டு நிதியிலிருந்து 30 லட்சம் ரூபாய் மதிப்பீட்டில் கட்டப்பட்ட சமுதாயக்கூடத்தை முன்னாள் அமைச்சர் செல்லூர் ராஜு திறந்து வைத்தார். அதன் பிறகு செய்தியாளர்களை சந்தித்து அவர் தெரிவித்ததாவது: “திமுக ஆட்சியில் மக்களுக்கு துன்பம், துயரம் நிறைந்துள்ளது. திமுக ஆட்சியில் ஒரு கொடுமை சென்றால் மற்றொரு கொடுமை நடக்கின்றது. திமுக ஆட்சி அமைந்ததில் இருந்தே மக்கள் பயத்தில் உள்ளனர்.
பயத்தில் உள்ள மக்களுக்கு பூஸ்ட்டாக ஏதாவது கொடுக்க வேண்டும். ஆனால் துன்பத்தையும், துயரத்தையும் மட்டுமே திமுக தலைமையிலான அரசு கொடுத்து வருகின்றது. திமுக ஆட்சியில் சட்ட ஒழுங்கு கேலிக்கூத்தாக உள்ளது. மாணவிகளுக்கு பெண்களுக்கு பாதுகாப்பு இல்லை. தொழிலதிபர்கள் சந்தோஷமாக இல்லை. மின்வெட்டி இருக்கும்போது மின் கட்டணம் உயர்வு வேறு… மத்திய அரசு, மத்திய அரசு என்று எப்போதும் மத்திய அரசை மட்டுமே குறை சொல்லி வருகிறது. எங்களை அடிமை அரசு எனக் கூறி தற்போது திமுக அரசு அடிமை அரசராக உள்ளனர். கேட்டால் திராவிடம் மாடல் அரசு என சொல்வது கேலிக்கூத்தாக இருக்கின்றது” என அவர் தெரிவித்தார்.