சென்னை ஆயிரம் விளக்கு தொகுதி திமுக எம்எல்ஏ கு.க. செல்வத்தை சஸ்பெண்ட் செய்து திமுக தலைவர் மு க ஸ்டாலின் அறிவிப்பை வெளியிட்டுள்ளார்.
கடந்த 2016 ஆம் ஆண்டு சட்டமன்ற தேர்தலில் சென்னை ஆயிரம் விளக்கு சட்டமன்ற தொகுதியில் திமுக சார்பில் போட்டியிட்டு வெற்றி பெற்றவர் கு.க. செல்வம். இவர் திமுக தலைமை நிலைய செயலாளராகவும் உள்ளார். சமீபத்தில் சென்னை நேருக்கு மாவட்ட செயலாளராகவும், சேப்பாக்கம், திருவல்லிக்கேணி திமுக எம்எல்ஏ ஆன ஜெ. அன்பழகன் கொரோனா பாதிப்புக்கு உள்ளாகி உயிரிழந்தார். அவர் வசித்து வந்த மாவட்ட செயலாளர் பொறுப்பு தனக்கு கிடைக்கும் என்று கு.க. செல்வம் நம்பிக்கையுடன் இருந்ததாக கூறப்படுகிறது. ஆனால் சிற்றரசு என்பவருக்கு சென்னை மேற்கு மாவட்ட செயலாளர் பொறுப்பு வழங்கப்பட்டதாக, கு.க. செல்வம் அதிருப்தியில் இருந்ததாக தெரிகிறது. இந்நிலையில் நேற்று டெல்லி சென்ற திமுக எம்எல்ஏ கு.க. செல்வம், பாரதி ஜனதா கட்சியின் தேசிய தலைவர் ஜேபி நட்டவை அவர் இல்லத்தில் சந்தித்து பேசினார். இந்த சந்திப்பின்போது தமிழக பாரதிய ஜனதா கட்சி தலைவர் எல். வேல்முருகன் தமிழக பொறுப்பாளர் முரளிதர ராவ், துணைத்தலைவர்கள் விபி துரைசாமி, எம்.இன் ராஜா ஆகியோர் இருந்தனர்.
பின்னர் வெளியே வந்த கு.க. செல்வம் நுங்கம்பாக்கம் ரயில் நிலையத்திற்கு மின்தூக்கி வேண்டும் என்ற கோரிக்கையுடன் மத்திய, மந்திரி பிரிஸ்கோயை சந்தித்ததாக தெரிவித்தார். அதோடு தான் பாஜகவில் இணையவில்லை என்றும், இன்னும் திமுக எம்எல்ஏ ஆகவே இருக்கின்றேன் என்றும் அவர் தெரிவித்தார். இந்நிலையில் சென்னை ஆயிரம் விளக்கு தொகுதி திமுக எம்எல்ஏ கு.க. செல்வத்தை சஸ்பெண்ட் செய்து, திமுக தலைவர் ஸ்டாலின் அறிவிப்பை வெளியிட்டுள்ளார். அதோடு திமுகவின் அடிப்படை உறுப்பினர் பொறுப்பிலிருந்து ஏன் நீக்கக் கூடாது என்று செல்வத்திற்கு நோட்டீஸ் அளிக்கப்பட்டுள்ளது. திமுக தலைமை நிலைய செயலாளர், செயற்குழு உறுப்பினர் பொறுப்புகளிலிருந்தும் செல்வம் விடுவிக்கப்பட்டுள்ளார். பாரதி ஜனதாவிற்கு மாற டெல்லி வரை சென்று திரும்பிய நிலையில் கு.க. செல்வம் மீது நடவடிக்கை எடுக்கப்பட்டுள்ளது