பிரபல நிறுவனங்கள் நடிகர்களை வைத்து விளம்பரங்களை தயாரித்து வருகின்றன. ஆனால் சரவணா ஸ்டோர் தொடர்பான விளம்பரங்களில் லெஜன்ட் சரவணா தானே நடித்து பிரபலமானவர். இவர் தன்னுடைய தயாரிப்பில் பிரம்மாண்டமாக உருவாகும் முதல் படத்தில் கதாநாயகனாக நடிப்பதாக ஏற்கனவே அறிவித்திருந்தார் இதன் மூலம் தமிழ் சினிமாவில் நடிகராகவும் தயாரிப்பாளராகவும் அறிமுகமானார். இந்த திரைப்படத்தை “உல்லாசம்” படத்ததை இயக்கிய ஜே.டி மற்றும் ஜெரி என்ற இரட்டை இயக்குனர்கள் இயக்குகின்றனர்.
இந்த படத்தில் “தி லெஜன்ட்” என பெயரிடப்பட்டுள்ளது. அதுமட்டுமல்லாமல் இந்த படத்திற்கு ஹாரிஸ் ஜெயராஜ் இசையமைக்கிறார். இதில் பாலிவுட் நடிகை ஊர்வசி ராவ்டேலா, பிரபு, யோகி பாபு, நாசர் உள்ளிட்டவர்கள் படத்தின் முக்கிய கதாபாத்திரமாக நடித்து உள்ளனர். மேலும் சமீபத்தில் இப்படத்தில் இருந்து வெளியான “மோசலோ மோசலு” பாடல் நல்ல வரவேற்பு பெற்று வருகிறது. இந்நிலையில் படத்தில் இடம்பெற்றுள்ள மற்றொரு பாடலான “வாடிவாசல்” வெளியாகி உள்ளது. இந்த பாடல் வீடியோ தற்போது சமூக வலைதளங்களில் வைரலாக பரவி வருகிறது. இப்படத்தின் இசை வெளியீட்டு விழா சென்னை நேரு உள்விளையாட்டு அரங்கத்தில் மே 25ம் தேதி நடைபெற உள்ளது.