ஷெனாஸ் கில் இந்தி திரையுலகில் பிரபல பாடகி மற்றும் நடிகையாக இருந்து வருகிறார். இவரது தந்தையான சந்தோக் சிங்குக்கு அழைப்பு ஒன்று வந்துள்ளது. அவர் எடுத்துப் பேசிய போது எதிர்முனையில் இருந்து பேசிய நபர் தன்னை ஹேப்பி என அறிமுகம் செய்து கொண்டுள்ளார். அதன் பின் வருகின்ற தீபாவளி பண்டிகைக்குள் நீ கொல்லப்படுவாய் என சிங்குக்கு அச்சுறுத்தல் விடுத்திருக்கின்றார். இந்த நிலையில் இது பற்றி அமிர்தசரத்தில் உள்ள ஊரக காவல்துறையிடம் சந்தோக் சிங் புகார் அளித்திருக்கிறார். நான் இந்து தலைவராக இருக்கிறேன் என்ற காரணத்தால் அவர்கள் என்னை கொலை செய்ய பார்க்கின்றார்கள் என்று நினைக்கிறேன்.
இந்த விவகாரம் பற்றி போலீசார் தீவிர விசாரணை மேற்கொள்ள வேண்டும் போலீசார் கைது நடவடிக்கை எடுக்காவிட்டால் பஞ்சாப்பை விட்டு வெளியேறி வேறு ஒரு இடத்தில் வாழ வேண்டிய சூழ்நிலை ஏற்படும் என அவர் தெரிவித்துள்ளார். மேலும் இது பற்றி எஸ் பி ஐஸ்வந்த் கவுர் பேசும்போது சம்பவம் பற்றி விசாரணை நடைபெற்று வருகிறது விரைவில் நடவடிக்கை எடுக்கப்படும் என தெரிவித்துள்ளார். சந்தோஷ் சிங்குக்கு மிரட்டல் விடப்படுவது இது முதல் தடவை அல்ல. மேலும் கடந்த 2021 ஆம் வருடம் டிசம்பர் மாதம் அவர் பாஜகவில் சேர்ந்த பின் இரண்டு பேர் அவரை தாக்கி இருக்கின்றனர். அவர் காரில் அமர்ந்திருந்த போது அடையாளம் தெரியாத நபர்கள் இரண்டு பேர் துப்பாக்கியால் சுட்டு விட்டு தப்பி ஓடி உள்ளனர். இந்த நிலையில் இவரது மகளான செனாஷ் கில் பிக் பாஸ் 13ல் கலந்து கொண்டு பிரபலம் அடைந்துள்ளார். அந்த சீசனில் பங்கேற்ற சித்தார்த் சுக்லா என்பவருடன் சேர்ந்து சித்நாஸ் என பெயராலேயே ரசிகர்களால் அழைக்கப்பட்டார் அந்த நிகழ்ச்சியில் சித்தார்த் வெற்றி பெற்றுள்ளார்.