வம்சி இயக்கத்தில் நடிகர் விஜய் நடித்துவரும் படம் “வாரிசு” ஆகும். இந்த திரைப்படம் தமிழ் மற்றும் தெலுங்கு மொழிகளில் நேரடியாக வெளியாகவுள்ளது. இப்படத்தில் விஜய்க்கு ஜோடியாக நடிகை ராஷ்மிகா மந்தனா நடித்து வருகிறார். அத்துடன் பிரகாஷ்ராஜ், சரத்குமார், குஷ்பூ, ஷாம், யோகி பாபு உட்பட பலர் முக்கிய கதாபாத்திரத்தில் நடிக்கின்றனர். இந்த படத்தின் பணிகள் மும்முரமாக நடந்து வருகின்றன.
இந்த நிலையில் வாரிசு திரைப்படத்தின் முதல் பாடல் தீபாவளியன்று வெளியாகும் என்று கூறப்படுகிறது. அத்துடன் இசையமைப்பாளர் தமன் தன் சமூகவலைதளப்பக்கத்தில் தீபாவளி என்று குறிப்பிட்டுள்ளார். இதன் காரணமாக உற்சாகமடைந்த ரசிகர்கள் தீபாவளி ஸ்பெஷல் ட்ரீட் என கமெண்ட் செய்து பதிவை வைரலாக்கி வருகின்றனர். இத்திரைப்படம் அடுத்த வருடம் பொங்கலுக்கு வெளியாக இருக்கிறது.