சட்டவிரோதமாக வேனில் ரேஷன் அரிசி கடத்தி வந்த 2 பேரை காவல்துறையினர் கைது செய்துள்ளனர்.
விருதுநகர் மாவட்டத்தில் உள்ள விருதுநகர்- சிவகாசி சாலையில் உணவுப்பொருள் கடத்தல் தடுப்பு பிரிவு காவல்துறையினர் தீவிர வாகன சோதனையில் ஈடுபட்டுள்ளனர். அப்போது அவ்வழியாக வந்த வேனை காவல்துறையினர் நிறுத்தி சோதனை செய்துள்ளனர். அந்த சோதனையில் சட்டவிரோதமாக 60 மூட்டை ரேஷன் அரிசியை வேனில் கடத்தி வந்தது தெரியவந்துள்ளது.
இதனையடுத்து காவல்துறையினர் நடத்திய விசாரணையில் அரிசியை கடத்தி வந்தது கற்பகராஜ், பாரதிராஜா என்பது தெரியவந்துள்ளது. அதன்பின் காவல்துறையினர் 2 பேரையும் கைது செய்தனர். மேலும் இதுகுறித்து வழக்குப்பதிவு செய்த காவல்துறையினர் அவர்களிடம் இருந்த அரிசி மூட்டைகளை பறிமுதல் செய்து தீவிர விசாரணை மேற்கொண்டு வருகின்றனர்.