சாராயம் கடத்திய குற்றத்திற்காக 2 பேரை காவல்துறையினர் கைது செய்துள்ளனர்.
நாகப்பட்டினம் மாவட்டத்திலுள்ள கீழ்வேளூர் காவல்துறையினர் காக்கழனி பிரதான சாலையில் தீவிர வாகன சோதனையில் ஈடுபட்டிருந்தனர். அப்போது அவ்வழியாக வந்த இருசக்கர வாகனத்தை நிறுத்தி சோதனை செய்தனர். அந்த சோதனையில் இருசக்கர வாகனத்தில் சாராயம் இருந்தது தெரியவந்துள்ளது. இதனையடுத்து இருசக்கர வாகனத்தில் வந்த 2 பேரிடம் காவல்துறையினர் நடத்திய விசாரணையில் அவர்கள் விக்னேஷ் மற்றும் ஜோதிபாசு என்பது தெரியவந்துள்ளது.
இவர்கள் காரைக்காலிலிருந்து சாராயம் கடத்தி வந்துள்ளனர். இதுகுறித்து வழக்கு பதிந்த காவல்துறையினர் விக்னேஷ் மற்றும் ஜோதிபாசு ஆகிய 2 பேரையும் கைது செய்ததோடு அவர்களிடமிருந்த 110 லிட்டர் சாராயம் மற்றும் மோட்டார் சைக்கிளை பறிமுதல் செய்தனர்.