இருசக்கர வாகனம் மீது கார் மோதி விபத்திற்குள்ளானதில் விவசாயி உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
தேனி மாவட்டம் தேவதானபட்டியை அடுத்துள்ள சில்வார்பட்டியில் உள்ள வடக்கு தெருவில் காசிராஜன் என்பவர் வசித்து வந்துள்ளார். விவசாயியான இவர் உறவினர் வீட்டு துக்க நிகழ்ச்சியில் கலந்து கொள்வதற்காக தனது இருசக்கர வாகனத்தில் ஜல்லிபட்டிக்கு சென்றுள்ளார். இந்நிலையில் ஜல்லிபட்டி பைபாஸ் சாலையில் சென்று கொண்டிருந்தபோது எதிரே வந்த கார் ஒன்று எதிர்பாரதவிதமாக இருசக்கர வாகனம் மீது மோதியுள்ளது.
இந்த கோர விபத்தில் காசிராஜன் சம்பவ இடத்திலேயே பரிதாபமாக உயிரிழந்துள்ளார். இதனையறிந்த தென்கரை காவல்துறையினர் சம்பவ இடத்திற்கு சென்று காசிராஜன் உடலை மீட்டு உடற்கூறு ஆய்விற்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குபதிவு செய்து விசாரித்து வருகின்றனர்.