மின்சாரம் பாய்ந்து மூதாட்டி பலியான சம்பவம் சோகத்தை ஏற்படுத்தியுள்ளது.
மதுரை மாவட்டத்திலுள்ள உசிலம்பட்டியில் கார்த்திகைசாமி என்பவர் வசித்து வருகிறார். இவருக்கு அமிர்தவள்ளி(60) என்ற மனைவி இருந்துள்ளார். இந்நிலையில் அமிர்தவள்ளி துவைத்த துணிகளை வீட்டின் மாடியில் காயப் போடுவதற்காக சென்றுள்ளார். அப்போது எதிர்பாராதவிதமாக அமிர்தவள்ளியின் கை மேலே சென்ற உயர் மின்அழுத்த கம்பியில் பட்டது. இதனால் மின்சாரம் தாக்கி அமிர்தவள்ளி சம்பவ இடத்திலேயே பரிதாபமாக இறந்துவிட்டார்.
இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று மூதாட்டியின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.