துபாயில் தமிழ்வழி வாயிலாக திருக்குர்ஆனையை பயில சிறப்பான பயிற்சியானது வழங்கப்படுகிறது என தெரிவிக்கப்பட்டு உள்ளது. இது தொடர்பாக துபாய் மர்கஸ் பயிற்சி வகுப்பின் ஒருங்கிணைப்பாளர் மவுலவி நூருத்தீன் சகாபி கூறியிருப்பதாவது, துபாய் மர்கஸ் சார்பாக திருக்குர்ஆனை மாணவ-மாணவிகள் நல்ல முறையில் படிப்பதற்கு சிறப்பு பயிற்சி வகுப்புகள் தமிழ்வழியில் நடத்தப்பட்டு வருகிறது. இந்த வகுப்புகள் வாரந்தோறும் ஞாயிற்றுக்கிழமை காலை 9.00 மணிக்கு துபாய் மர்கஸ் பகுதியில் நடத்தப்படுகிறது.
அத்துடன் தமிழ் மொழியை படிக்கத் தெரியாதவர்களுக்கு தமிழ் பயிற்சி வகுப்புகளும் நடத்தப்படுகிறது. தமிழ் மட்டுமின்றி ஆங்கிலம் மற்றும் மலையாளத்திலும் இப்பயிற்சி அளிக்கப்படுகிறது. இந்த வகுப்பில் மாணவ-மாணவிகள் பங்கேற்க வசதியாக துபாய் மற்றும் சார்ஜாவில் இருந்து வாகன வசதி ஏற்பாடுகளும் செய்யப்பட்டுள்ளது. வருகிற 25-ம் தேதி மாலை “ரமலானே வருக” என்ற சிறப்பு நிகழ்ச்சி நடைபெற இருக்கிறது என்று அவர் கூறினார். தமிழ் மொழி வாசிப்பை ஊக்குவிக்கும் நோக்கத்தில் நடத்தப்படும் இப்பயிற்சி வகுப்பு மக்களிடையே நல்ல வரவேற்பை பெற்றுள்ளது.