திருச்சியில் நடைபெறும் மாநில அளவில் துப்பாக்கி சுடுதல் போட்டியில் நடிகர் அஜித் பங்கேற்றுள்ளார்.
திருச்சியில் மாநிலத் துப்பாக்கி சூடு போட்டி திருச்சி மாநகர கேகே நகர் ஆயுதப்படை வளாகத்தில் கடந்த 25 ஆம் தேதி தொடங்கி நடைபெற்று வருகிறது. இதில் தமிழகம் முழுவதும் இருந்து துப்பாக்கி சுடுதலில் பயிற்சி பெற்ற சுமார் 1300 போட்டியாளர்கள் கலந்து கொண்டனர். சிறியவர்கள்,, இளைஞர்கள் முதியவர்கள் என தரம் பிரிக்கப்பட்டு 16, 19, 21 ஆகிய வயது ஏற்றபடி தனி பிரிவினரும், 21 முதல் 45 வயது வரை, 45 முதல் 60 வயது வரை மற்றும் 60 க்கு மேல் உள்ள பிரிவினருக்கும் தனித்தனியாக போட்டிகள் நடத்தப்பட்டது.
பிஸ்டல் துப்பாக்கி சுடுவதற்கான போட்டியாளர்களுக்கு 28ஆம் தேதி வரை போட்டிகள் நடத்தப்பட்டு வெற்றி பெற்றவர்களுக்கு பதக்கங்கள் வழங்கப்படுகிறது. 29ஆம் தேதி முதல் 31ஆம் தேதி வரை ரைப்பில் துப்பாக்கி சுடுபவர்களுக்கு போட்டி நடைபெறுகின்றது. இந்நிலையில் இந்த போட்டியில் நடிகர் அஜித் பங்கேற்றுள்ளார் என்பது குறிப்பிடத்தக்கது. இந்த போட்டியில் வெற்றி பெறுபவர்கள் தென்னிந்திய அளவிலான துப்பாக்கி சூடுதல் போட்டியில் கலந்து கொள்ள முடியும் என தெரிவிக்கப்பட்டுள்ளது.