துருக்கியில் விமானம் தரையிறங்கும் போது விபத்துக்குள்ளானது இதில் 3 பேர் பலியாயினர் மேலும் 179 பேர் காயம்அடைந்தனர்.
துருக்கியின் ஏஜியன் நகரில் இருந்து 189 பயணிளை ஏற்றிக்கொண்டு பெகாசஸ் ஏர்லைன்ஸ் நிறுவனத்திற்கு சொந்தமான விமானம் ஒன்று இஸ்தான்புலில் உள்ள சபிஹா ஹோக்கன் விமான நிலையத்தில் தரையிறங்கியது.
அப்போது விமானம் ஓடுதளத்தில் இருந்து சறுக்கி 60 மீட்டர் விலகிச்சென்று மோதி நின்றது. மோதிய வேகத்தில் விமானம் இரண்டாக உடைந்தது. மேலும் தீ பிடிக்க ஆரம்பித்தது . இதனால் பயணிகள் அச்சத்தில் அலற ஆரம்பித்தனர்.
தகவலறிந்து சம்பவ இடத்திற்கு விரைந்து வந்த மீட்புக்குழுவினர் பயணிகளை மீட்டு மருத்துவமனையில் அனுமதித்தனர். மருத்துவமனையில் அனுமதிக்கப்பட்ட பயணிகளில் 3 பேர் உயிரிழந்தனர்.
மேலும் விமானத்தில் பயணம் செய்த 183 பயணிகளில் 179 பேர் காயம் அடைந்ததாகவும் அவர்கள் மருத்துவமனையில் அனுமதிக்கப்பட்டு தொடர்ந்து சிகிச்சை பெற்று வருவதாகவும் துருக்கி சுகாதாரத்துறை அமைச்சர் தெரிவித்தார்.
விமானம் இரண்டாக உடைந்து நிற்கும் புகைப்படங்கள் சமூக வலைத்தளங்களில் பரவி வைரலாகி வருகிறது. இந்த விபத்து குறித்து துருக்கி அரசு விசாரணைக்கு உத்தரவிட்டுள்ளது.