மானிய விலையில் விதைகள் விநியோகம் செய்யப்படுவதாக கருங்குளம் வேளாண்மை உதவி இயக்குனர் தகவல் தெரிவித்துள்ளார்.
தூத்துக்குடி மாவட்டத்திலுள்ள கருங்குளம் வேளாண்மை உதவி இயக்குனர் இசக்கியப்பன் செய்தி குறித்து ஒன்றை வெளியிட்டுள்ளார். அதில் அவர் கூறியுள்ளதாவது, விதை கிராம திட்டம் மற்றும் தேசிய வேளாண் வளர்ச்சி திட்டத்தின் கீழ் நெல் விதைகள் அம்பை – 16, கோ – 51, டி.கே.எம் – 13, டி.பி.எஸ் – 5 உள்ளிட்ட ரகங்கள் கிலோவிற்கு ரூபாய் 17.50 மற்றும் ரூபாய் 20 மானிய விலையில் விற்பனை செய்யப்படுகின்றன.
மேலும் தேசிய உணவு பாதுகாப்பு திட்டம் திட்டத்தின் கீழ் மானிய விலையில் உளுந்து விதைகள் மதுரை- 1, வம்பன்- 8 உள்ளிட்ட ரகங்கள் கிலோவிற்கு ரூபாய் 25 விற்பனை செய்யப்படுகிறது. ஆகையால் கருங்குளம் அனைத்து வட்டாரத்திற்கு உட்பட்ட விவசாயிகள் மானிய விலையில் உளுந்து மற்றும் நெல் விதைகளை வாங்கி பயன்பெறுமாறு கேட்டுக் கொண்டுள்ளார். மேலும் இது குறித்த கூடுதல் விவரங்களுக்கு தங்கள் பகுதி உதவி வேளாண்மை அலுவலகத்தை அணுகலாம் என கூறப்பட்டிருக்கின்றது.