சென்னையில் திமுக கட்சியின் சார்பில் சமத்துவ திருவிழா பொதுக்குழு கூட்டம் நடைபெற்றது. இந்த கூட்டத்தில் எம்.பி திருச்சி சிவா கலந்து கொண்டார். அவர் விழாவில் பேசியதாவது, அறிஞர் அண்ணா, கலைஞர் கருணாநிதி மற்றும் முதல்வர் ஸ்டாலின் போன்ற எளிமையான தலைவர்களை எங்குமே பார்க்க முடியாது. ஒருவன் வாழ்க்கையில் முன்னேற வேண்டும் என்றால் அவனுக்கு கல்வி கட்டாயம். எல்லோருக்கும் வேலை, எல்லோருக்கும் சமமான மரியாதை போன்றவற்றை நடைமுறைப்படுத்திய இயக்கம் தான் திமுக.
அறிஞர் அண்ணா வழியில் கொடுத்திருப்பது நாங்கள் எல்லோரும் வீரர்கள். அதனால் எல்லையில் நின்று மக்களை காப்போமே தவிர, தெருச்சண்டையில் ஈடுபட்டு நேரத்தை வீணடிக்க மாட்டோம். சென்னையில் குடிசைகள் இல்லாத நிலையை உருவாக்கியது திமுக மட்டும் தான். இந்தியாவில் இன்று வளர்ந்து வரும் தொழில் நகரமாக இருக்கும் மும்பையில் கூட இன்று குடிசைகள் இருக்கிறது. ஆனால் பல வருடங்களுக்கு முன்பாகவே குடிசைகள் இல்லாத நிலை சென்னையில் மாறிவிட்டது என்று கூறினார்.