நாடு முழுவதும் கொரோனாவின் இரண்டாவது அலை மிக வேகமாக பரவி பாதிப்புகளின் எண்ணிக்கை அதிகரித்து வருவதால் பல மாநிலங்களில் ஊரடங்கு கட்டுப்பாடுகள் அமல்படுத்தப்பட்டுள்ளது. இதனால் பல மாநிலங்களிலும் பாதிப்பு எண்ணிக்கை குறைந்து உள்ளதாகவும் தகவல் வெளியாகியுள்ளது. இந்நிலையில் தெலுங்கானா மாநிலத்தில் கொரோனா பரவல் அதிகரித்து வந்ததன் காரணமாக நீட்டிக்கப்பட்டிருந்த ஊரடங்கு நாளையுடன் முடிவடைய உள்ளது.
இந்நிலையில் ஜூன்-20 ஆம் தேதி வரை ஊரடங்கை நீட்டித்து அம்மாநில அரசு உத்தரவிட்டுள்ளது. அதன்படி மாலை 6 மணி முதல் காலை 6 மணி வரை அமலில் இருக்கும் எனவும், கடைகள் காலை 6 மணி முதல் மாலை 6 மணி வரை செயல்படும் எனவும் பணிக்கு செல்வோர் மாலை 6 மணிக்குள் வீட்டிற்கு செல்ல கூடுதல் அவகாசம் வழங்கப்பட்டுள்ளதாகவும் தெரிவித்துள்ளது.