சிம்பு நடிப்பில் உருவாகியுள்ள மாநாடு திரைப்படம் தெலுங்கில் ரீமேக் செய்யப்பட உள்ளதாக தகவல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் சிம்பு நடிப்பில் உருவாகியுள்ள திரைப்படம் மாநாடு. வெங்கட் பிரபு இயக்கியுள்ள இந்த படத்தில் கல்யாணி பிரியதர்ஷன், எஸ்.ஜே.சூர்யா, பிரேம்ஜி உள்ளிட்ட பலர் நடித்துள்ளனர். இந்த படம் தீபாவளிக்கு அண்ணாத்த படத்துக்கு போட்டியாக ரிலீஸாக இருந்தது. இதையடுத்து நவம்பர் 25-ஆம் தேதி இந்த படம் வெளியாகும் என படக்குழு அறிவித்தது. சமீபத்தில் மாநாடு படத்தின் டிரைலர் வெளியாகி ரசிகர்களை வெகுவாக கவர்ந்தது. டைம் லூப் அடிப்படையில் உருவாகியுள்ள இந்த படத்தின் மீது ரசிகர்கள் மிகுந்த எதிர்பார்ப்பில் உள்ளனர்.
இந்நிலையில் மாநாடு படம் தெலுங்கில் ரீமேக் செய்யப்பட இருப்பதாக தகவல் வெளியாகியுள்ளது. இதில் பிரபல தெலுங்கு நடிகர் அல்லு அர்ஜுன் ஹீரோவாக நடிக்க இருக்கிறார். இதற்காக இன்று மாநாடு படத்தின் இயக்குனர் மற்றும் எடிட்டரை அல்லு அர்ஜுன் நேரில் அழைத்துள்ளாராம். மேலும் அல்லு அர்ஜுன் இன்று மாநாடு படத்தை பார்க்க இருப்பதாக கூறப்படுகிறது. விரைவில் மாநாடு தெலுங்கு ரீமேக் குறித்த தகவல்கள் வெளியாகும் என எதிர்பார்க்கப்படுகிறது.