தேசிய வாக்காளர் தின விழாவையொட்டி பல்வேறு போட்டிகள் நடத்தப்பட்டு பரிசுகள் வழங்கப்பட்டன.
நாகப்பட்டினம் மாவட்டத்திலுள்ள ஆட்சியர் அலுவலகத்தின் முன்பு தேசிய வாக்காளர் தின விழா கொண்டாடப்பட்டுள்ளது. இந்த விழா மாவட்ட ஆட்சியர் தலைமையில் நடைபெற்றுள்ளது. மேலும் மாவட்ட ஆட்சியரின் நேர்முக உதவியாளர் மற்றும் முதன்மை கல்வி அலுவலர் ஆகியோர் முன்னிலை வகித்தனர். இதற்கு தேர்தல் தாசில்தார் வரவேற்புரையாற்றியுள்ளார்.
அதன்பின் வாக்காளர்களுக்கு விழிப்புணர்வு ஏற்படுத்தும் வகையில் உறுதிமொழியை அளித்தல், வினாடி-வினா, நடனம், சுவரொட்டி தயாரிக்கும் போட்டி, ஓவியப்போட்டி, தேர்தல் குறித்த சுலோகன் எழுதுதல், கட்டுரைப் போட்டி மற்றும் தேசிய வாக்காளர் தினம் குறித்த பாட்டு போட்டி உள்ளிட்ட பல போட்டிகள் நடத்தப்பட்டுள்ளது. இந்த போட்டிகளில் வெற்றி பெற்ற பள்ளி மற்றும் கல்லூரி மாணவ-மாணவிகளுக்கு மாவட்ட ஆட்சியர் பரிசுகளை வழங்கியுள்ளார்.