அறிமுக இயக்குனர் அரவிந்த் சீனிவாசன் இயக்கத்தில் நடிகர் அருள் நிதி நடித்துள்ள படம் தேஜாவு. இப்படத்தில் ஸ்மிருதி வெங்கட் கதாநாயகியாக நடித்துஉள்ளார். அத்துடன் மது பாலா, காளி வெங்கட், ராகவ் விஜய், மைம் கோபி உட்பட பலர் நடித்துள்ளனர். மிஸ்டரி திரில்லர்வகை கதை அம்சம் கொண்ட இத்திரைப்படத்தில் அருள்நிதி போலீஸ் கதாபாத்திரத்தில் நடித்து இருக்கிறார்.
இத்திரைப்படத்தை ஒயிட் கார்பெட் பிலிம்ஸ் சார்பாக கே.விஜய் பாண்டி தயாரித்துள்ளார். இசையமைப்பாளர் ஜிப்ரான் இப்படத்திற்கு இசையமைத்துள்ளார். அண்மையில் இந்த படத்தின் திரைப்படத்தின் டீசர் வெளியாகி நல்லவரவேற்பை பெற்றது. இப்படம் வரும் ஜூலை 22ஆம் தேதி திரையரங்குகளில் வெளியாக இருக்கிறது. இந்த நிலையில் இப்படத்தின் டிரைலர் இன்று வெளியாகும் என்று படக்குழு அறிவித்துள்ளது. மேலும் ஒரு போஸ்டரையும் படக்குழு வெளியிட்டுள்ளது. இப்போஸ்டர் தற்போது வைரலாகி வருகிறது.
