காஷ்மீரில் சோபியான் மாவட்டத்தில் பதுங்கி இருந்த 3 பயங்கரவாதிகளை பாதுகாப்பு படையினர் சுட்டுக்கொன்றனர்.
தெற்கு காஷ்மீரில் சோபியான் மாவட்டம் ஷாகுன் பகுதியில் பயங்கரவாதிகள் பதுங்கியிருப்பதாக பாதுகாப்பு படைக்கு தகவல் கிடைத்தது. இதனையடுத்து அங்கு விரைந்து வந்த பாதுகாப்பு படையினர் அந்தப் பகுதி முழுவதும் சுற்றிவளைத்து தீவிர தேடுதல் வேட்டையில் ஈடுபட்டது. அப்போது அங்கு மறைந்திருந்த பயங்கரவாதிகள் பாதுகாப்பு படையினரை நோக்கி துப்பாக்கியால் சுட்டனர். இதற்கு பாதுகாப்பு படையினரும் தக்க பதிலடி கொடுத்தனர். இரு தரப்பிற்கும் இழுத்த-துப்பாக்கி சண்டையில் அடையாளம் தெரியாத 2 பயங்கரவாதிகள் சுட்டுக் கொள்ளப்பட்டது.
அந்தப் பகுதியில் மேலும் பயங்கரவாதிகள் உள்ளார்களா என்று பாதுகாப்பு படையினர் தொடர்ந்து தேடுதல் பணியில் ஈடுபட்டுள்ளனர். அப்போது அங்கு பதுங்கியிருத்த மற்றொரு பயங்கரவாதியும் சுட்டுக் கொல்லப்பட்டார். தற்போது 3 பயங்கரவாதிகள் சுட்டுக்கொல்லப்பட்டுள்ளதாகவும் அவர்களிடம் இருந்து துப்பாக்கிகள் மற்றும் ஆயுதங்கள் பறிமுதல் செய்யப்பட்டுள்ளதாகவும் காஷ்மீர் காவல் துறை தெரிவித்துள்ளது.