வனவிலங்கு தாக்கி பெண் காயமடைந்த சம்பவம் பரபரப்பை ஏற்படுத்தியுள்ளது.
நீலகிரி மாவட்டத்தில் உள்ள கோத்தகிரி அருகே ஒன்னோரை கிராமத்தில் ரஜினி ஹரியன் என்பவர் வசித்து வருகிறார். இவருக்கு லட்சுமி என்ற மனைவி இருக்கிறார். இவர் தேயிலை பறிக்கும் தொழிலாளியாக வேலைப்பார்த்து வருகிறார். இந்நிலையில் லட்சுமி வழக்கம்போல் தேயிலை பறிப்பதற்காக தோட்டத்திற்கு சென்றுள்ளார்.
அப்போது திடீரென ஒரு காட்டுப்பன்றி லட்சுமியை தாக்கியுள்ளது. இதில் லட்சுமிக்கு காலில் பலத்த காயம் ஏற்பட்டுள்ளது. இவருடைய அலறல் சத்தத்தை கேட்டு அதிர்ச்சியடைந்த சக தொழிலாளர்கள் லட்சுமியை மீட்டு அரசு மருத்துவமனைக்கு அனுப்பி வைத்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இது தொடர்பாக கட்டப்பட்டு வனத்துறையினர் விசாரணை நடத்தி வருகின்றனர்.