தேர்தல் வெற்றி, தோல்விகள் எதுவும் எங்களை பாதிக்காது என்று அமமுக கட்சியின் கழகப் பொதுச் செயலாளர் டி டி வி தினகரன் தெரிவித்துள்ளார்.
வேளாங்கண்ணி ஐக்கிய கிறிஸ்துமஸ் பெருவிழா கொண்டாட்டத்தில் கலந்து கொண்ட அமமுக கட்சியின் பொதுச் செயலாளர் டிடிவி தினகரன் பேசி வருகிறார். அதில் “நற்செய்தியையும் நம்பிக்கையும் உலகமெங்கும் பரவ செய்த ஒளியாகவே இயேசுவின் வாழ்க்கை அமைந்துள்ளது. எதிர்ப்பைக் கண்டு அஞ்சாமல் முன்னேறி செல்ல வேண்டும் என்பதை பைபிள் எத்தனையோ மனிதர்களின் வாழ்க்கை மூலம் எடுத்துரைக்கிறது. தடைபட்ட கல்வியை சாதாரண மக்களுக்கு கொண்டு சேர்த்தது கிறிஸ்தவ மிஷினரிகள்.
மாண்புமிகு அம்மா அனைத்து மத மக்களுக்கும் பாதுகாப்பு அரணாக இருந்தவர் என்பது அனைவருக்கும் தெரியும். மேலும் ஆட்சிக்கு வந்தவர்கள் அதிகாரத்தில் தொடர வேண்டும் என்று என்னவெல்லாம் செய்து கொண்டிருக்கிறார்கள் என்று அனைவரும் அறிவர். குறுக்கு வழியில் ஆட்சி அதிகாரத்திற்கு வரவேண்டும் என்ற எண்ணம் அம்மா மக்கள் முன்னேற்றக் கழகத்திற்கு எப்போதும் கிடையாது. தேர்தல் வெற்றி தோல்விகள் என்றும் அமமுகாவினரை பாதிக்காது” என அவர் பேசியுள்ளார்.