தேவதைகள் கூட்டம் என்ற அமைப்பு சார்பில் பள்ளி மாணவ-மாணவிகளுக்கு காரைக்குடியில் பரிசு வழங்கப்பட்டது.
தேவதைகள் கூட்டம் என்ற அமைப்பு பள்ளி மாணவ-மாணவிகளின் தனித்திறன் செயல்பாடுகளை மேம்படுத்துவதற்காக தொடங்கப்பட்டது. கொரோனா காலத்தில் பள்ளிகள் இயங்காத நிலையில் இதன் நிறுவனர் பேராசிரியை தென்றல் பள்ளி மாணவர்களின் வீடுகளுக்குச் சென்று பாடங்களைக் கற்பித்து வந்தார். தமிழகம் முழுவதும் பள்ளி மாணவ-மாணவிகளுக்கு இந்த அமைப்பின் சார்பில் வாட்ஸ்அப் வழியாக கட்டுரை, கதை உள்ளிட்ட பல்வேறு போட்டிகள் நடத்தப்பட்டன.
இதில் காரைக்குடியில் உள்ள நேஷனல் பயர் சேப்டி கல்லூரியில் வெற்றி பெற்றவர்களுக்கு பரிசளிப்பு விழா நடைபெற்றது. இந்த விழா ஆனந்தா தலைமையிலும், கவிஞர் சந்திரசேகரன் முன்னிலையிலும் நடைபெற்றது. இந்த விழாவில் தேவதைகள் கூட்டத்தின் நிறுவனர் தென்றல் சிறப்புரையாற்றினார். பள்ளி மாணவ-மாணவிகளுக்கு அழகப்பா பல்கலைக்கழக முன்னாள் துணைவேந்தர் சுப்பையா நூல்கள் மற்றும் சான்றிதழ்களை பரிசாக வழங்கினார். இதில் எய்டு இந்தியா திட்ட ஒருங்கிணைப்பாளர் மணிமேகலை, அரிமா எஸ்.சையது ஆகிய பலரும் கலந்து கொண்டனர்.