தேவி ஸ்ரீ பூமாரியம்மன் கோவிலில் அம்மன் சிலை கண் திறந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.
கோவை மாவட்டம், காமராஜபுரம் ஹவுசிங் யூனிட் பகுதியில் தேவி ஸ்ரீ கருமாரியம்மன் கோவில் அமைந்துள்ளது. இந்த கோவிலில் தற்சமயம் புனரமைப்பு பணிகள் நடைபெறுகிறது. இதனால் அந்த அம்மன் சிலையை அங்கு உள்ள ஒரு வீட்டில் வைத்து வழிபட்டு வருகின்றனர். இந்நிலையில் நேற்று முன்தினம் அந்த அம்மன் சிலைக்கு வழக்கம் போல் பூஜைகள் நடந்தது. அப்போது அம்மன் சிலையில் கண் திறந்ததாக கூறப்பட்டுள்ளது. இந்த தகவல் அந்த பகுதி முழுவதும் பரவியது. இத்தகவலை அறிந்த அந்தப் பகுதி மக்கள் அனைவரும் ஒன்று திரண்டு வந்து வியப்புடன் பார்த்து அம்மனை வழிபட்டு சென்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.