தைவானில் ஏற்பட்ட திடீர் நிலநடுக்கத்தில் ரயில் நிலையத்தில் சென்று கொண்டிருந்த ரயில் குலுங்கிய காட்சிகள் சமூக வலைதளங்களில் வெளியாகி பரபரப்பு ஏற்படுத்தி உள்ளது.
தீவு நாடான தைவானின் தென் கிழக்கு கடலோர பகுதியில் அமைந்திருக்கின்ற டைடுங் நகரில் நேற்று முன்தினம் இரவு ரிக்டர் அளவுகோலில் 6.4 புள்ளிகள் அளவில் சக்தி வாய்ந்த நிலநடுக்கம் ஏற்பட்டுள்ளது. இருந்தபோதிலும் இந்த நிலநடுக்கத்தால் பெரிய அளவில் சேதங்கள் எதுவும் ஏற்படாத நிலையில் அடுத்தடுத்து பலமுறை நில அதிர்வுகள் உணரப்பட்டது. இந்த சூழலில் நேற்று டைடுங் நகரில் மீண்டும் பயங்கர நிலநடுக்கம் ஏற்பட்டுள்ளது. இந்த நிலநடுக்கம் ரிக்டர் அளவுகோலில் 7.2 புள்ளிகளாக பதிவானதாக அமெரிக்க புள்ளியியல் ஆய்வு மையம் கூறியுள்ளது. இருப்பினும் அதன் பின் 6.8 புள்ளிகளாக அறிவிக்கப்பட்டுள்ளது. மேலும் இந்த நிலநடுக்கம் டைடோன் நகரில் உள்ள சிஸ்ஹேங் எனும் இடத்தில் பூமிக்கு அடியில் ஏழு கிலோமீட்டர் ஆழத்தில் மையம் கொண்டிருந்ததாக கூறப்பட்டுள்ளது.
இந்த நிலையில் இந்த பயங்கர நிலநடுக்கத்தால் ஒட்டுமொத்த தைவானும் அதிர்ந்துள்ளது. தலைநகர் உள்ளிட்ட நாட்டின் பல நகரங்களிலும் இந்த நிலநடுக்கம் உணரப்பட்டுள்ளது. சில வினாடிகளுக்கு நீடித்த நிலநடுக்கத்தின் போது அடுக்குமாடி குடியிருப்புகள் வணிக வளாகங்கள் உட்பட கட்டிடங்கள் பயங்கரமாக குலுங்கியுள்ளது. இதனால் பீதியடைந்த மக்கள் அலறி அடித்தபடி கட்டிடங்களை விட்டு வெளியேறி வீதிகளிலும் திறந்தவெளிகளிலும் மைதானங்களில் தஞ்சம் புகுந்துள்ளனர். மேலும் நிலநடுக்கம் மையம் கொண்டிருந்த சிஸ்ஹேங் மற்றும் அதன் அருகில் உள்ள யாலி போன்ற நகரங்களில் பல கட்டிடங்கள் இடிந்து விழுந்து தரைமட்டம் ஆகியுள்ளது.
இதில் கட்டிட இடுப்பாடுகளில் பலர் சிக்கி உள்ள நிலையில் அவர்களை மீட்கும் பணியில் தீயணைப்பு வீரர்கள் மற்றும் போலீசாரும்மும்முறமாக ஈடுபட்டிருக்கின்றனர். அதேபோல யாலி நகரில் உள்ள மேம்பாலம் ஒன்று இடிந்து விழுந்தது இதில் பாலத்தில் சென்று கொண்டிருந்த வாகனங்கள் பல கீழே விழுந்ததாக கூறப்படுகிறது அங்கும் உடனடியாக மீட்பு பணிகள் நடைபெற்றுள்ளது. இதற்கிடையே சிஸ்ஹேங் மற்றும் யாலி நகரங்களுக்கு இடையே உள்ள போலி என்னும் நகரில் சென்று கொண்டிருந்த பயணிகள் ரயில் ஒன்று தடம் புரண்டு விபத்துக்குள்ளாகி உள்ளது. இருப்பினும் பயணிகள் அனைவரும் பத்திரமாக மீட்கப்பட்டதாக தகவல்கள் வெளியாகியது அதேபோல ரயில் நிலையத்தில் சென்று கொண்டிருந்த போது குலுங்கிய காட்சிகளும் சமூக வலைதளங்களை வெளியாகி பரபரப்பை ஏற்படுத்தி இருக்கிறது.