செம்பரம்பாக்கம் ஏரியில் இருந்து நீர் திறக்கப்படும் என அதிகாரிகள் அறிவித்துள்ளனர்.
தமிழகத்தில் கடந்த 2 நாட்களாக பல்வேறு மாவட்டங்களில் கனமழை பெய்து வருகிறது. இதில் குறிப்பாக திருவள்ளுவர் மற்றும் காஞ்சிபுரம் மாவட்டங்களில் கனமழை பெய்து வருவதால் கிருஷ்ணா கால்வாயில் நீர் வரத்து அதிகரித்துள்ளது. இதனால் செம்பரம்பாக்கம் ஏரி முழு கொள்ளளவை எட்டியுள்ளது. இந்நிலையில் கிருஷ்ணா நதியில் இருந்து செம்பரம்பாக்கம் ஏரிக்கு வினாடிக்கு 1,700 கன அடி தண்ணீர் வந்து கொண்டிருக்கிறது.
இதன் காரணமாக ஏரியின் மொத்த கொள்ளளவு 3475 மில்லியன் கன அடியாகவும், நீர் மட்டத்தின் உயரம் 23.36 அடியாகவும் இருக்கிறது. இதன் காரணமாக பொதுப்பணித்துறை அதிகாரிகள் ஏரியில் இருந்து உபரி நீரை திறந்து விட முடிவு செய்துள்ளனர். இது தொடர்பாக பொதுப்பணித்துறை அதிகாரிகள் வெளியிட்ட அறிக்கையில், ஏரியில் முழு கொள்ளளவு தண்ணீர் எட்டியுள்ளதால் உபரி நீர் திறக்கப்படும் எனவும், ஏரிக்கரையை சுற்றியுள்ள மக்கள் பாதுகாப்பாக இருக்க வேண்டும் எனவும் கூறியுள்ளனர். மேலும் நீர்மட்டம் குறித்து தொடர்ந்து அதிகாரிகள் கண்காணித்து வருகின்றனர்.