சிவகங்கை கல்லல் அருகே மகா சிவராத்திரியை முன்னிட்டு தொட்டியத்து கருப்பர் சேவுகப்பெருமாள் அய்யனார் கோவிலில் பால்குட விழா நடைபெற்றது.
சிவகங்கை மாவட்டத்தில் உள்ள கல்லல் அருகே சொக்கநாதபுரம் சேவுகப்பெருமாள் அய்யனார் தொட்டியத்து கருப்பர் கோவில் உள்ளது. இந்த கோவிலில் காவடி எடுத்தல், பால்குட விழாவும் மாசி மகாசிவராத்திரி முன்னிட்டு நடைபெற்றது. இதில் நூற்றுக்கும் மேற்பட்ட பக்தர்கள் கலந்து கொண்டு காவடி, பால்குடம், சந்தனகுடம் எடுத்து நேரத்தி கடனை செலுத்தியுள்ளனர். இதையடுத்து தீமிதி திருவிழாவும் நடைபெற்றது.
இந்த கோவில் விழாவில் குழந்தை இல்லாதவர்கள், குழந்தை பிறந்தபின் குழந்தைக்காக நேர்த்திக்கடனாக பட்டுச்சேலையில் கரும்பு தொட்டில் கட்டி கோவிலை சுற்றி வலம் வந்து நேரத்தி கடனை நிறைவேற்றினர். கருப்பர் சேவுகப்பெருமாள் அய்யனாருக்கு விழாவை முன்னிட்டு சிறப்பு அலங்காரமும் அபிஷேகமும் செய்யப்பட்டது. திருவிழாவை முன்னிட்டு கலை நிகழ்ச்சிகளும் நடைபெற்றது.