அங்கீகரிக்கப்பட்ட கல்வி நிறுவனங்களிடம் இருந்து தொலைதூர கல்விமுறை மற்றும் ஆன்லைன் கற்றல் முறையில் பெறப்படும் பட்டங்கள், நேரடி வகுப்புகள் மூலம் பெறப்படும் பட்டங்களுக்கு இணையானவை என்று பல்கலைக்கழகம் மானிய குழு தெரிவித்துள்ளது.
இது குறித்து யுஜிசி அறிக்கை வெளியிட்டுள்ளது. அதில், உயர்கல்வி நிறுவனங்களில் இருந்து திறந்த நிலை, தொலைதூர கல்விமுறை மற்றும் ஆன்லைன் கற்றல் மூலம் பெறப்படும் இளங்கலை, முதுகலை பட்டங்கள், முதுகலை பட்டப்படிப்பு சான்றிதழ்கள் அனைத்து நேரடி வகுப்பு முறையில் வழங்கப்படும் பட்டங்கள் மற்றும் முதுகலை பட்டயப்படிப்புகளுக்கு சமமாக கருதப்படும் என்று கூறப்பட்டுள்ளது. மேலும் இந்த முடிவு பல்கலைக்கழக மானிய குழு விதிமுறைகளின் 22 வது விதியின்படி எடுக்கப்பட்டுள்ளது என்று அதில் தெரிவிக்கப்பட்டுள்ளது.