பைனான்ஸ் உரிமையாளர் தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள மேல தேவநல்லூர் கீழ தெருவில் வெள்ளைச்சாமி என்பவர் வசித்து வருகிறார். இவருக்கு கிருஷ்ணவேணி என்ற மனைவி உள்ளார். இவர் தேவநல்லூரில் பஞ்சாயத்து தலைவியாக இருக்கிறார். இந்த தம்பதியினருக்கு சுரேஷ் என்ற மகனும், ராமலட்சுமி என்ற மருமகளும் இருந்துள்ளனர். இதில் சுரேஷ் சென்னையில் பைனான்ஸ் தொழில் செய்து வந்துள்ளார்.
இந்நிலையில் தொழிலில் நஷ்டம் ஏற்பட்டதால் மன உளைச்சலில் இருந்த சுரேஷ் தனது வீட்டு மாடியில் தூக்கிட்டு தற்கொலை செய்துள்ளார். இதுகுறித்து அறிந்த காவல்துறையினர் சம்பவ இடத்திற்கு விரைந்து சென்று சுரேஷின் உடலை மீட்டு அரசு மருத்துவமனைக்கு பிரேத பரிசோதனைக்காக அனுப்பி வைத்தனர். இந்த சம்பவம் குறித்து வழக்குப்பதிவு செய்த காவல்துறையினர் விசாரணை நடத்தி வருகின்றனர்.