சென்னை ஆயிரம் விளக்கு தொகுதியில் பாஜக வேட்பாளர் குஷ்பு தோசை சுட்டு கொடுத்து வாக்கு சேகரித்தார்.
தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்க்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இரண்டு கட்சியினரும் தங்கள் எதிர்க்கட்சியினரை கடுமையாக விமர்சித்து வருகின்றனர்.
இதற்கு மத்தியில் தங்கள் ஆட்சி தமிழகத்தில் அமைந்தால் மக்களுக்கு பல்வேறு நலத்திட்டங்களை செய்து தருவதாக அனைத்து கட்சிகளும் போட்டிப் போட்டுக் கொண்டு பல்வேறு வாக்குறுதிகளை அளித்து வருகிறது. அதுமட்டுமன்றி ஒவ்வொரு கட்சியும் வெளியிட்டுள்ள தேர்தல் அறிக்கையில் மக்களை கவரும் வகையிலான பல்வேறு சிறப்பு அம்சங்கள் இடம்பெற்றுள்ளன. மேலும் ஒவ்வொரு கட்சியினரும் தங்கள் போட்டியிடும் தொகுதியில் வேட்புமனு தாக்கல் செய்தனர். அந்த வேட்பு மனுக்கள் பரிசீலனை செய்யப்பட்டு இறுதி செய்யப்பட்டுள்ளது. இதனையடுத்து மக்களை நேரில் சந்தித்து ஓட்டு சேகரிக்கும் பணியில் அனைத்து கட்சியினரும் தீவிரமாக ஈடுபட்டு வருகிறார்கள்.
இந்நிலையில் சட்டமன்ற தேர்தலில் வெற்றிபெற அரசியல் கட்சியினர் பல்வேறு வகையில் முயற்சி செய்து வருகிறார்கள். அவ்வகையில் சென்னை ஆயிரம் விளக்கு தொகுதியில் தேர்தல் பிரசாரத்தில் ஈடுபட்டு வரும் பாஜக வேட்பாளர் குஷ்பு, மக்களை கவரும் வகையில் பல்வேறு செயல்களில் ஈடுபட்டு வருகிறார். அதன்படி கடந்த இரண்டு நாட்களுக்கு முன்னர் ஆயிரம் விளக்கு தொகுதியில் ஒருவர் வீட்டிற்குச் சென்று அவரை டீ போட்டுக் கொடுத்து வாக்கு சேகரித்தார். அதன்படி இன்று ஆயிரம்விளக்கு தொகுதியில் பிரசாரத்தில் ஈடுபட்ட அவர், பலருக்கும் தோசை சுட்டு கொடுத்து வாக்கு சேகரிப்பில் ஈடுபட்டார். அந்தப் புகைப்படம் சமூக வலைத்தளத்தில் வைரலாகி வருகிறது.