தோட்டத்தில் மூடியிருந்த சாக்கடை…. திறந்து பார்த்த போது…. காத்திருந்த ஆச்சர்யம்…!!

தம்பதிகள் ஒருவரின் தோட்டத்தில் இரண்டாம் உலகப்போரின் பாதாள குழி இருந்துள்ளது பெரும் ஆச்சர்யத்தை ஏற்படுத்தியுள்ளது.

பிரிட்டனில் வசித்து வரும் தம்பதிகள் காந்து பட்டேல்(68) – உஷா(62). நாற்பது வருடங்களாக சேர்ந்து வாழ்ந்து வரும் இந்த தம்பதிகள் கொரோனா ஊரடங்கின் போது, ஒருநாள் தோட்டவேலை செய்துள்ளனர். அப்போது தங்களின் தோட்டத்தில் இருந்த சாக்கடை மூடியைத் திறந்து பார்க்க திட்டமிட்டுள்ளனர். இந்நிலையில்  தன் நண்பர்கள் உதவியுடன் பட்டேல் அந்த மூடியை திறந்துள்ளார். அப்போது அவருக்கு பெரும் அதிர்ச்சி ஒன்று காத்திருந்துள்ளது.

ஏனெனில் அது சாக்கடை குழி அல்ல. 40 பேர் வரை மறைந்து இருக்கக்கூடிய இரண்டாம் உலகப்போர் காலத்தில் உள்ள பதுங்குகுழி என்பது தெரிய வந்துள்ளது. தற்போது இந்த தம்பதியினர் அந்த பதுங்கு குழியை அழகுபடுத்தி ஒரு மதுபான விடுதி ஆக மாற்ற முடிவு செய்துள்ளனர். மேலும் இந்த மதுபான விடுதி அவருக்கும், அவருடைய குடும்பத்தினருக்கு மட்டும் என்று பட்டேல் கூறியுள்ளார்.