தமிழக முழுவதும் சென்னை உள்பட 21 மாநகராட்சிகள், 138 நகராட்சிகள், 490 பேரூராட்சிகள் என்று மொத்தமாக 649 நகர்ப்புற உள்ளாட்சிகளுக்கு இன்று காலை 7 மணிக்கு வாக்குப்பதிவு தொடங்கியது. அதன்படி தமிழகத்தில் உள்ள மொத்தம் 12,838 வார்டுகளுக்கு ஒரே கட்டமாக இன்று தேர்தல் நடைபெற்று வருகிறது. இதில் அனைவரும் ஆர்வத்துடன் சென்று வாக்கு செலுத்தி வருகின்றனர்.
தமிழகத்தில் 1,369 மாநகராட்சி, 3,824 நகராட்சி, 7,409 பேரூராட்சி கவுன்சிலர் பதவிகள் என 12,602 இடங்களுக்கு தேர்தல் நடைபெறுகிறது. இதில் போட்டியின்றி தேர்வு, வேட்பாளர்கள் மரணம் போக மொத்தம் 57,778 வேட்பாளர்கள் களத்தில் உள்ளனர். மாநகராட்சிகளில் 11,196 நகராட்சிகளில் 17, 992 பேரூராட்சிகளில் 28,660 பேர் போட்டியிடுகின்றனர். தமிழகம் முழுவதும் 30,785 வாக்குச்சாவடிகளில் 2.83 கோடி வாக்காளர்கள் வாக்களிக்க உள்ளனர்.