நடிகர் அதர்வா அடுத்ததாக இயக்குனர் மிஸ்கின் இயக்கவுள்ள படத்தில் நடிக்க இருப்பதாக தகவல் வெளியாகியுள்ளது.
தமிழ் திரையுலகில் கடந்த 2010-ஆம் ஆண்டு வெளியான பாணா காத்தாடி படத்தின் மூலம் கதாநாயகனாக அறிமுகமானவர் அதர்வா. இதை தொடர்ந்து இவர் பரதேசி, ஈட்டி, கணிதன், இமைக்கா நொடிகள், பூமராங் உள்ளிட்ட பல திரைப்படங்களில் நடித்திருந்தார். தற்போது நடிகர் அதர்வா தள்ளிப்போகாதே, குருதி ஆட்டம், அட்ரஸ், ஒத்தைக்கு ஒத்த போன்ற திரைப்படங்களை கைவசம் வைத்துள்ளார்.
இந்நிலையில் நடிகர் அதர்வா அடுத்ததாக நடிக்கும் படத்தை மிஸ்கின் இயக்க இருப்பதாக தகவல் வெளியாகியுள்ளது. தற்போது மிஸ்கின் இயக்கத்தில் பிசாசு 2 திரைப்படம் உருவாகி வருகிறது. விரைவில் மிஸ்கின்- அதர்வா இணையும் படம் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது. மேலும் இந்த கூட்டணி உறுதியானால் இவர்கள் இருவரும் இணைந்து பணியாற்றும் முதல் படம் இதுதான் என்பது குறிப்பிடத்தக்கது.