நடிகர் அருண்விஜய் நடிப்பில் உருவாகியுள்ள ‘பார்டர்’ படத்தின் புதிய போஸ்டரை படக்குழு வெளியிட்டுள்ளது.
தமிழ் திரையுலகில் நட்சத்திர நாயகனாக வலம் வருபவர் அருண் விஜய். இவர் நடிப்பில் கடைசியாக மாபியா திரைப்படம் வெளியாகியிருந்தது. கார்த்திக் நரேன் இயக்கியிருந்த இந்த படத்தில் பிரியா பவானி சங்கர் கதாநாயகியாக நடித்திருந்தார். இந்த படத்தை தொடர்ந்து நடிகர் அருண் விஜய் பாக்சர், அக்னி சிறகுகள், பார்டர், சினம் உள்ளிட்ட படங்களில் நடித்து வந்தார். இதில் இயக்குனர் அறிவழகன் இயக்கத்தில் அருண் விஜய் நடிப்பில் உருவாகியுள்ள பார்டர் படத்தின் ஃபர்ஸ்ட் லுக் போஸ்டர் சமீபத்தில் வெளியாகி ரசிகர்களிடையே நல்ல வரவேற்பை பெற்றது. குற்றம் 23 வெற்றிக்குப் பிறகு மீண்டும் அருண் விஜய்- அறிவழகன் இணைந்துள்ளதால் இந்த படத்தின் மீது ரசிகர்கள் மிகுந்த எதிர்பார்ப்பில் உள்ளனர்.
Eid Mubarak to all from our team!! #BORRDER@dirarivazhagan @ReginaCassandra @All_In_Pictures @StefyPatel @SamCSmusic @proyuvraaj @DoneChannel1 @11_11cinema @DopRajasekarB @thinkmusicindia pic.twitter.com/Qoyqco9Igg
— ArunVijay (@arunvijayno1) May 14, 2021
மேலும் இந்த படத்தில் ஸ்டெபி படேல், ரெஜினா இருவரும் கதாநாயகிகளாக நடித்துள்ளனர். ஆல் இன் ஆல் பிக்சர்ஸ் நிறுவனம் தயாரித்துள்ள இந்த படத்திற்கு சம் சி.எஸ் இசையமைத்துள்ளார். சென்னை, டெல்லி, ஆக்ரா உள்ளிட்ட பகுதிகளில் இந்த படத்தின் படப்பிடிப்புகள் நடைபெற்றது. இந்நிலையில் நேற்று ரம்ஜான் பண்டிகைக்கு வாழ்த்து தெரிவித்து பார்டர் படக்குழுவினர் புதிய போஸ்டர் ஒன்றை வெளியிட்டுள்ளனர். தற்போது இந்த போஸ்டர் ரசிகர்களை வெகுவாக கவர்ந்து வருகிறது.