நடிகர் அருண் விஜய் தனது மகளுடன் இணைந்து எடுத்துக் கொண்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார்.
தமிழ் திரையுலகில் கடந்த 1995-ஆம் ஆண்டு வெளியான முறை மாப்பிள்ளை படத்தின் மூலம் அறிமுகமானவர் அருண் விஜய். இதையடுத்து இவர் நடிகர் அஜித் நடிப்பில் வெளியான என்னை அறிந்தால் படத்தில் வில்லனாக நடித்து பிரபலமடைந்தார். இதைத் தொடர்ந்து அருண் விஜய் பல திரைப்படங்களில் ஹீரோவாக நடித்து அசத்தி வருகிறார். தற்போது இவர் பார்டர், சினம், அக்னி சிறகுகள், பாக்ஸர் உள்ளிட்ட பல படங்களை கைவசம் வைத்துள்ளார்.
மேலும் நடிகர் அருண் விஜய் கடந்த 2006 -ஆம் ஆண்டு ஆரத்தி என்பவரை திருமணம் செய்து கொண்டார். இவர்களுக்கு பூர்வி என்ற மகளும் ஆர்னவ் என்ற மகனும் உள்ளனர். இந்நிலையில் சமீபத்தில் நடிகர் அருண் விஜய் தனது மகளுக்கு பிறந்தநாள் வாழ்த்துக்கள் தெரிவித்து மகளுடன் இருக்கும் புகைப்படத்தை தனது சமூக வலைதளப் பக்கத்தில் வெளியிட்டுள்ளார். இந்த புகைப்படத்தை பார்த்த ரசிகர்கள் அருண் விஜய்க்கு இவ்வளவு பெரிய மகளா? என ஆச்சரியமடைந்துள்ளனர்.