தயாரிப்பாளரும் நடிகருமான ஆர்.கே.சுரேஷுக்கு பெண் குழந்தை பிறந்துள்ளதாக தகவல் வெளியாகியுள்ளது.
தமிழ் திரையுலகில் ஆர்.கே.சுரேஷ் தர்மதுரை, சலீம் உள்ளிட்ட படங்களைத் தயாரித்துள்ளார் . இதையடுத்து இயக்குனர் பாலா இயக்கத்தில் சசிகுமார் நடிப்பில் வெளியான தாரை தப்பட்டை படத்தில் வில்லனாக நடித்து பிரபலமடைந்தார். இதைத் தொடர்ந்து இவர் பில்லாபாண்டி, நம்ம வீட்டு பிள்ளை உள்ளிட்ட பல திரைப்படங்களில் நடித்தார். மேலும் நடிகர் ஆர்.கே.சுரேஷுக்கு கடந்த வருடம் திருமணம் நடந்து முடிந்தது.
We are very happy to share our newest blessing in our life . Our family is blessed with little girl and both mom & baby are doing good 😊 pic.twitter.com/rOf9UMR8GE
— RK SURESH (@studio9_suresh) April 23, 2021
சமீபத்தில் இவரது மனைவியின் வளைகாப்பு மிக சிறப்பாக நடைபெற்றது. இந்நிலையில் நடிகர் ஆர்.கே.சுரேஷுக்கு பெண் குழந்தை பிறந்துள்ளதாக தகவல் வெளியாகியுள்ளது. இதனை அவரே தனது சமூக வலைதளப் பக்கத்தில் தெரிவித்துள்ளார். இதையடுத்து அவருக்கு ரசிகர்கள் வாழ்த்துக்கள் தெரிவித்து வருகின்றனர்.