சசிகுமார் நடிப்பில் உருவாகியுள்ள ராஜவம்சம் படத்தின் ரிலீஸ் தேதி அறிவிக்கப்பட்டுள்ளது .
தமிழ் திரையுலகில் இயக்குனராகவும், நடிகராகவும் வலம் வருபவர் சசிகுமார். தற்போது இவர் ராஜவம்சம், கொம்புவச்ச சிங்கம்டா, பகைவனுக்கு அருள்வாய் ஆகிய படங்களில் கதாநாயகனாக நடித்துள்ளார். இதில் ராஜவம்சம் படத்தை புதுமுக இயக்குனர் கதிர்வேலு இயக்கியுள்ளார். இந்த படத்தில் நிக்கி கல்ராணி கதாநாயகியாக நடித்துள்ளார். மேலும் ராதாரவி, தம்பி ராமையா, யோகிபாபு, கும்கி அஸ்வின், சாம்ஸ், மனோபாலா, சிங்கம்புலி, விஜயகுமார், ஆடம்ஸ், நிரோஷா உள்பட 49 நடிகர்கள், நடிகைகள் நடித்துள்ளனர்.
செந்தூர் பிலிம்ஸ் நிறுவனம் தயாரித்துள்ள இந்த படத்திற்கு சாம் சி.எஸ் இசையமைத்துள்ளார். கடந்த மார்ச் மாதம் இந்த படத்தை ரிலீஸ் செய்ய படக்குழு திட்டமிட்டிருந்த நிலையில் கொரோனா இரண்டாவது அலை காரணமாக ரிலீஸ் தள்ளி வைக்கப்பட்டது . இந்நிலையில் ராஜவம்சம் படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது. அதன்படி இந்த படம் வருகிற அக்டோபர் 1-ஆம் தேதி தியேட்டர்களில் ரிலீஸாக உள்ளது.