சிறுத்தை, வீரம், விஸ்வாசம், அண்ணாத்த உள்ளிட்ட பல திரைப்படங்களை இயக்கிய சிவா இயக்கும் படத்தில் சூர்யா இப்போது நடித்து வருகிறார். சூர்யா 42 என தற்காலிகமாக பெயரிடப்பட்டு உள்ள இந்த படத்தை ஸ்டுடியோ கிரீன் மற்றும் யுவி கிரியேஷன் நிறுவனம் இணைந்து தயாரிக்கின்றனர். இத்திரைப்படத்தில் பாலிவுட் நடிகை திஷா பத்தானி, யோகி பாபு, கிங்ஸ்லி, கோவை சரளா, ஆனந்த் ராஜ் உட்பட பலர் முக்கிய கதாபாத்திரங்களில் நடிக்கின்றனர்.
தேவிஸ்ரீ பிரசாத் இசையமைக்கவுள்ள இந்த படத்தின் படப்பிடிப்பு சில நாட்களுக்கு முன் பூஜையுடன் துவங்கியது. இந்த நிலையில் சூர்யா 42 திரைப்படத்தின் புது அப்டேட்டை படக்குழு வெளியிட்டுள்ளது. அதாவது இப்படத்தின் மோஷன் போஸ்டர் பற்றிய அறிவிப்பு நாளை காலை 10 மணிக்கு வெளியாகும் என்று படக்குழு அறிவித்துள்ளது. அத்துடன் ரசிகர்களுக்கு சர்ப்ரைஸ் ஒன்று இருப்பதாகவும் தெரிவித்துள்ளது. இதை ரசிகர்கள் சமூகவலைத்தளத்தில் வைரலாக்கி வருகின்றனர்.