பிரபல நடிகரின் அடுத்த படம் குறித்த அப்டேட்டால் ரசிகர்கள் மிகுந்த மகிழ்ச்சியில் இருக்கின்றனர்.
இயக்குனர் அருண் மாதேஸ்வரன் ராக்கி என்ற திரைப்படத்தின் மூலம் இயக்குனராக அறிமுகமானார். இந்த படத்திற்கு பிறகு கீர்த்தி சுரேஷ் மற்றும் செல்வராகவனை வைத்து சாணிக்காயுதம் என்ற திரைப்படத்தை எடுத்திருந்தார். இந்த படம் ரிலீஸ் ஆகி ரசிகர்களிடையே நல்ல வரவேற்பை பெற்றது. இவர் தற்போது நடிகர் தனுஷை வைத்து கேப்டன் மில்லர் என்ற திரைப்படத்தை இயக்குகிறார். இந்த தகவலை நடிகர் தனுஷ் தன்னுடைய ட்விட்டர் பக்கத்தில் வெளியிட்டுள்ளார்.
இந்த படத்திற்கு ஜி.வி பிரகாஷ் இசையமைக்கும் நிலையில், தனுஷ் கேப்டன் மில்லர் திரைப்படத்தில் மூன்று வேடங்களில் நடிக்க இருக்கிறார் என்ற தகவல் வெளியாகியுள்ளது. இதன் காரணமாக கேப்டன் மில்லர் திரைப்படத்திற்கு ரசிகர்கள் மத்தியில் மிகுந்த எதிர்பார்ப்பு ஏற்பட்டுள்ளது. மேலும் நடிகர் தனுஷ் நடித்த திருசிற்றம்பலம், வாத்தி மற்றும் நானே வருவேன் உள்ளிட்ட திரைப்படங்களில் தற்போது நடித்துள்ளார் என்பது குறிப்பிடத்தக்கதாகும்.