தமிழ் திரையுலகில் முன்னணி நடிகராக தனுஷ் இருக்கிறார். இவர் தமிழ், ஹிந்தி தாண்டி ஹாலிவுட்டிலும் கால்பதித்து இருக்கிறார். மேலும் அவரது நடிப்பில் “நானே வருவேன்”, “திருச்சிற்றம்பலம்” போன்ற திரைப்படங்கள் முடிந்துவிட்டது. இந்த திரைப்படங்கள் விரைவில் வெளியாக உள்ள சூழ்நிலையில் இப்போது “வாத்தி” படத்தில் நடித்து வருகிறார். நடிகராக மட்டுமின்றி பன்முக திறமை உடைய தனுஷ், வுண்டர்பார் எனும் பெயரில் தயாரிப்பு நிறுவனத்தையும் நிர்வகித்து வருகிறார்.
இந்நிறுவன தயாரிப்பில் 3, எதிர்நீச்சல், காக்கா முட்டை, மாரி, விசாரணை, பா.பாண்டி, காலா ஆகிய பல்வேறு படங்கள் தயாராகியது. இந்த நிலையில் வொண்டர்பார் நிறுவனத்தின் யூடியூப் சேனலானது மர்ம நபர்களால் முடக்கப்பட்டு உள்ளது. மாரி 2 திரைப்படத்தில் இடம்பெற்ற ரவுடி பேபி பாடல் யூடியூபில் பல்வேறு கோடி சாதனைகளை படைத்தது. அப்பாடலையும் சேர்த்து தனுஷின் தயாரிப்பு நிறுவன யூடியூப் சேனலையும் ஹேக் செய்து உள்ளனர். இது ரசிகர்களை மத்தியில் அதிர்ச்சியை ஏற்படுத்தியுள்ளது. இதனால் யூடியூப் சேனலை மீட்கும் நடவடிக்கையில் தனுஷின் தயாரிப்பு நிறுவனம் இறங்கியுள்ளது. ஆகவே விரைவில் இது சரியாகும் என எதிர்பார்க்கப்படுகிறது.