தமிழ் சினிமாவில் பிரபலமான நடிகராக வலம் வரும் தனுஷ் பாலிவுட், ஹாலிவுட் என கலக்கி வருகிறார். இவர் வாத்தி என்ற திரைப்படத்தின் மூலம் கூடிய விரைவில் தெலுங்கிலும் அறிமுகமாக இருக்கிறார். இவர் நடிப்பில் சமீபத்தில் வெளியான திருச்சிற்றம்பலம் திரைப்படம் திரையரங்குகளில் ரிலீஸ் ஆகி வெற்றிகரமாக ஓடிக் கொண்டிருக்கிறது. இந்த படத்திற்கு பிறகு நடிகர் தனுஷ் செல்வராகவன் இயக்கத்தில் நானே வருவேன் என்ற திரைப்படத்தில் நடித்துள்ளார். இந்த படத்தை கலைப்புலி எஸ் தாணு தயாரிக்க, எல்லி அவ்ரம், இந்துஜா ரவிச்சந்திரன் மற்றும் யோகி பாபு உள்ளிட்ட பலர் முக்கிய வேடங்களில் நடித்துள்ளனர்.
இந்த படம் செப்டம்பர் 29-ஆம் தேதி திரையரங்குகளில் ரிலீஸ் ஆகிறது. இந்த படத்தை தொடர்ந்து நடிகர் தனுஷ் தற்போது கேப்டன் மில்லர் என்ற திரைப்படத்தில் நடிப்பதற்கு ஒப்பந்தம் ஆகியுள்ளார். இந்த படத்தை அருண் மாதேஸ்வரன் இயக்க, சந்தீப் கிஷன் மற்றும் பிரியங்கா அருள் மோகன், நிவேதா சதீஷ் உள்ளிட்ட பலர் முக்கிய வேடங்களில் நடிக்கின்றனர். கடந்த 1930-ம் ஆண்டுகளில் நடைபெற்ற கேங்ஸ்டர் கதையை மையமாக வைத்து கேப்டன் மில்லர் திரைப்படத்தை எடுப்பதற்கு திட்டமிட்டுள்ளனர்.
சத்யஜோதி பிலிம்ஸ் தயாரிக்கும் கேப்டன் மில்லர் திரைப்படம் பான் இந்தியா படமாக உருவாக இருக்கிறது. கடந்த சில நாட்களுக்கு முன்பாக கேப்டன் மில்லர் திரைப்படத்தின் பூஜை சிறப்பாக நடைபெற்றுள்ளது. இது தொடர்பான புகைப்படத்தை பட குழுவினர் இணையதளத்தில் வெளியிட்டுள்ளனர். இந்த புகைப்படம் தற்போது இணையத்தில் வைரலாகி வருகிறது. மேலும் கேப்டன் மில்லர் திரைப்படத்திற்காக தென்காசி பகுதியில் மிகப்பெரிய கிராமம் போன்ற ஒரு செட் அமைப்பதாகவும், அந்த செட் அமைக்கும் பணிகள் நிறைவடைந்தவுடன் படப்பிடிப்பு தொடங்கும் எனவும் கூறப்படுகிறது.