ஷியாம் சிங்கா ராய் படத்தில் இடம்பெற்ற ‘ஏதோ ஏதோ’ பாடல் வெளியாகியுள்ளது.
தெலுங்கு திரையுலகில் முன்னணி நடிகராக வலம் வருபவர் நானி. இவர் ராஜமௌலி இயக்கத்தில் வெளியான நான் ஈ படத்தின் மூலம் இந்திய அளவில் பிரபலமடைந்தார். சமீபத்தில் இவர் நடிப்பில் வெளியான டக் ஜெகதீஷ் படம் ரசிகர்களிடையே நல்ல வரவேற்பை பெற்றது. தற்போது ராகுல் சாங்கிருத்யன் இயக்கத்தில் உருவாகியுள்ள ஷியாம் சிங்கா ராய் படத்தில் நானி கதாநாயகனாக நடித்துள்ளார். இந்த படத்தில் சாய் பல்லவி கதாநாயகியாக நடித்துள்ளார்.
மேலும் மடோனா செபாஸ்டின், கீர்த்தி ஷெட்டி ஆகியோர் முக்கிய கதாபாத்திரங்களில் நடித்துள்ளனர். நிஹாரிகா எண்டர்டெயின்மெண்ட் நிறுவனம் தயாரித்துள்ள இந்த படத்திற்கு மிக்கி.ஜே.மேயர் இசையமைத்துள்ளார். இந்த படம் வருகிற டிசம்பர் 24-ஆம் தேதி தியேட்டர்களில் ரிலீஸாக உள்ளது. இந்நிலையில் ஷியாம் சிங்கா ராய் படத்தில் இடம்பெற்ற ‘ஏதோ ஏதோ’ என்ற பாடல் வெளியாகியுள்ளது. செம ரொமான்டிக்கான இந்த பாடல் தற்போது ரசிகர்களை வெகுவாக கவர்ந்து வருகிறது.