நடிகர் பிரபுதேவாவின் புதிய படத்தின் அப்டேட் வெளியாகியுள்ளது.
தமிழ் சினிமாவில் நடன மாஸ்டராகவும், நடிகராகவும், இயக்குனராகவும் வலம் வருபவர் பிரபுதேவா. இவர் தற்போது ஆதிக் ரவிச்சந்திரன் இயக்கத்தில் பகீரா என்ற திரைப்படத்தில் நடித்துள்ளார். இந்த படத்தில் நடிகைகள் அமைரா மற்றும் காயத்ரி ஹீரோயின்களாக நடித்துள்ளனர். இந்நிலையில் சைக்கோ திரில்லர் படமாக உருவாகியுள்ள பகீரா படத்திற்கு அபிநந்தன் ராமானுஜன் ஒளிப்பதிவு செய்ய, கணேசன் சேகர் இசையமைத்துள்ளார்.
இந்த படத்தின் படப்பிடிப்பு தற்போது முடிவடைந்துள்ளது. கடந்த ஆண்டு பகீரா படத்தின் டீசர் வெளியாகி ரசிகர்களிடையே நல்ல வரவேற்பை பெற்ற நிலையில், படத்தின் ரிலீஸ் தேதி குறித்த அப்டேட் வெளியாகியுள்ளது. அதன்படி ஆகஸ்ட் 11-ஆம் தேதி படம் ரிலீஸ் ஆகும் என படக் குழுவினர் அதிகாரபூர்வமாக அறிவித்ததோடு, ஒரு போஸ்டரையும் இணையதளத்தில் வெளியிட்டுள்ளனர்.