பிரபு தேவா நடிப்பில் உருவாகியுள்ள தேள் படத்தின் பாடல்கள் வெளியாகியுள்ளது.
தமிழ் திரையுலகில் நடன இயக்குனர், நடிகர், இயக்குனர் என பன்முக தன்மைகொண்ட கலைஞராக வலம் வருபவர் பிரபு தேவா. இவர் தற்போது ஏராளமான படங்களை கைவசம் வைத்துள்ளார். அதன்படி சந்தோஷ் விஜயகுமார் இயக்கத்தில் உருவாகியுள்ள பொய்க்கால் குதிரை படத்தில் பிரபு தேவா மாற்றுத்திறனாளியாக நடித்துள்ளார். இந்த படத்தின் படப்பிடிப்புகள் நிறைவடைந்து இறுதிகட்ட பணிகள் நடைபெற்று வருகிறது. இயக்குனர் ஆதிக் ரவிச்சந்திரன் இயக்கத்தில் பிரபு தேவா நடித்துள்ள பஹீரா திரைப்படம் ரிலீஸுக்கு தயாராகி வருகிறது.
மேலும் பிரபுதேவா காவல்துறை அதிகாரியாக நடித்துள்ள பொன்மாணிக்கவேல் திரைப்படம் நவம்பர் 19-ஆம் தேதி நேரடியாக டிஸ்னி பிளஸ் ஹாட்ஸ்டாரில் ரிலீஸாக உள்ளது. இந்நிலையில் ஹரிகுமார் இயக்கத்தில் பிரபு தேவா நடித்துள்ள தேள் படத்தின் பாடல்கள் வெளியாகியுள்ளது. இந்த படத்தில் சம்யுக்தா, யோகிபாபு, ஈஸ்வரி ராவ் உள்ளிட்ட பலர் நடித்துள்ளனர். ஸ்டுடியோ கிரீன் நிறுவனம் தயாரித்துள்ள இந்த படத்திற்கு சத்யா இசையமைத்துள்ளார். தற்போது தேள் படத்தின் பாடல்கள் ரசிகர்களை வெகுவாக கவர்ந்து வருகிறது.