பிரபு தேவா நடிப்பில் உருவாகியுள்ள பஹீரா படத்தின் டிரைலர் ரிலீஸ் தேதி அறிவிக்கப்பட்டுள்ளது.
தமிழ் திரையுலகில் நடன இயக்குனராகவும், இயக்குனராகவும், நடிகராகவும் அசத்தி வருபவர் பிரபுதேவா. தற்போது இவர் நடிப்பில் பொன் மாணிக்கவேல், பஹீரா, யங் மங் சங், பொய்க்கால் குதிரை போன்ற படங்கள் உருவாகி வருகிறது. இதில் பஹீரா படத்தை ஆதிக் ரவிச்சந்திரன் இயக்கியுள்ளார். சைக்கோ திரில்லர் கதையம்சம் கொண்ட இந்த படத்தில் அனேகன் பட நடிகை அமைரா, காயத்ரி, சோனியா அகர்வால், ரம்யா நம்பீசன், சஞ்சிதா ஷெட்டி, ஜனனி, சாக்ஷி அகர்வால் உள்ளிட்ட பலர் நடித்துள்ளனர்.
பரதன் பிக்சர்ஸ் நிறுவனம் தயாரித்துள்ள இந்த படத்திற்கு கணேசன் சேகர் இசையமைத்துள்ளார். தற்போது இந்த படத்தின் படப்பிடிப்புகள் நிறைவடைந்து பின்னணி பணிகள் விறுவிறுப்பாக நடைபெற்று வருகிறது. இந்நிலையில் பஹீரா படத்தின் புதிய அப்டேட்டை படக்குழு வெளியிட்டுள்ளது. அதன்படி வருகிற அக்டோபர் 8-ஆம் தேதி இந்த படத்தின் டிரைலர் வெளியாகவுள்ளது.