நடிகர் யாஷ் நடிப்பில் உருவாகியுள்ள கே.ஜி.எப்-2 படத்தின் ரிலீஸ் குறித்த தகவல் வெளியாகியுள்ளது.
கன்னட திரையுலகில் இயக்குனர் பிரசாந்த் நீல் இயக்கத்தில் நடிகர் யாஷ் நடிப்பில் கடந்த 2018-ஆம் ஆண்டு வெளியாகி சூப்பர் ஹிட் அடித்த திரைப்படம் கே.ஜி.எப். இந்த படம் தமிழ், இந்தி, தெலுங்கு உள்ளிட்ட பல மொழிகளில் வெளியாகி வெற்றி பெற்றது. தற்போது இந்த படத்தின் இரண்டாம் பாகம் மிக பிரமாண்டமாக உருவாகியுள்ளது. இதில் யாஷ், ஶ்ரீநிதி ஷெட்டி, சஞ்சய்தத், பிரகாஷ்ராஜ், ரவீனா டாண்டன் உள்ளிட்ட பலர் நடித்துள்ளனர். கே.ஜி.எப்-2 படத்தின் டீசர் சமீபத்தில் வெளியாகி ரசிகர்களிடையே நல்ல வரவேற்பை பெற்றது.
மேலும் இந்த படம் ஜூலை 16-ஆம் தேதி தியேட்டர்களில் ரிலீஸாகும் என படக்குழு அறிவித்திருந்தது. ஆனால் கொரோனா இரண்டாவது அலை காரணமாக இந்த படத்தின் ரிலீஸ் தள்ளி வைக்கப்பட்டது. இந்நிலையில் கொரோனா இரண்டாவது அலையின் தீவிரம் குறைந்து வருவதால் கே.ஜி.எப்-2 திரைப்படம் வருகிற செப்டம்பர் மாதம் 9-ஆம் தேதி ரிலீஸாகும் என தகவல் வெளியாகியுள்ளது. விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.